Automatizar está de moda e, como todo o que está de moda, faise ás veces onde non toca. Antes de automatizar un proceso convén facerse unhas preguntas moi pouco glamurosas.
Cando si
- A tarefa repítese moitas veces e sempre da mesma maneira.
- Segue regras claras: se pasa A, faise B.
- Un erro custa caro ou fai perder tempo a varias persoas.
- Quen a fai hoxe preferiría dedicar ese tempo a outra cousa.
Cando non
Se o proceso cambia cada vez, se depende do criterio dunha persoa ou se hoxe non está claro como se fai, automatizalo só acelera a desorde. Primeiro ordénase e despois, se compensa, automatízase.
Empezar polo pequeno
Elixe unha tarefa concreta, mide canto tempo consome e automatiza só iso. Comproba que funciona e que o teu equipo a usa. A partir de aí decides se segues. Podes ver como plantexo estes proxectos en automatización de procesos ou contarme que che quita tempo.