Deseño gráfico e packaging en Vigo e Galicia
Non deseño envases por deseñalos. Primeiro entendemos quen compra, onde e que ten que dicir o produto nese momento. Despois deséñoo para que destaque no lineal e na túa marca.
Cando o necesitas
Vas lanzar un produto ou unha liña nova e necesitas que o seu envase conte quen es. Ou o teu packaging actual non se distingue da competencia, vese anticuado ou non transmite a calidade do produto.
Tamén o necesitas se vas vender fóra, onde as etiquetas e os textos deben adaptarse a outros idiomas e mercados, ou se tes unha colección de produtos e falta coherencia entre eles.
Nun contorno comercial saturado, o envase é un soporte publicitario de importancia estratéxica. Transmite o tipo de produto e a identidade de marca nun momento decisivo: o da compra.
Non todo packaging necesita ser caro. Ás veces a mellor mellora é un cambio de etiqueta, de tipografía ou de cor que se aplica sen refacer o envase. Primeiro miro que tes e que problema resolve cada cambio.
Como o abordo
- 01
Produto e mercado
Entendo o produto, quen o compra, onde se vende e que fan os competidores no lineal.
- 02
Concepto
Propoño unha idea que parta da túa marca e do produto. En Magnetix, por exemplo, o nome da marca deu o concepto.
- 03
Deseño do sistema
Desenvolvo o envase e a colección: formatos, xerarquía de información, cor e tipografía, de modo que funcionen xuntos.
- 04
Produción
Preparo os arquivos e coordínome coa imprenta para que o resultado final estea á altura do que se deseñou.
- 05
Produción e seguimento
Reviso as probas de imprenta e os primeiros exemplares, para comprobar que cores, materiais e acabados saen como se deseñaron.
Que recibes
- Concepto de packaging aliñado coa túa marca
- Deseño de envases, etiquetas e pezas gráficas
- Sistema para coleccións: que todos os produtos se lean como unha familia
- Renders de packaging para validar antes de producir
- Arquivos preparados para imprenta e coordinación con ela
- Adaptacións a outros idiomas e mercados cando fan falta
- Revisión de probas de cor e dos primeiros exemplares impresos
Contexto local: Vigo e Galicia
Galicia ten unha industria alimentaria e de conservas con produto de moitísima calidade, ás veces cun envase que non está á altura. Un packaging coidado pode cambiar como se percibe unha lata ou un pack de delicatessen no lineal e nunha tenda. Para Terra Ibérica deseñei un set de packaging para as súas conservas de produtos mariños.
O packaging cosmético é outro mundo, con outros prazos e outras esixencias. Deseñei coleccións completas para Profusion Cosmetics, desde estoxos de brochas ata kits de maquillaxe para campañas estacionais, traballando desde Vigo cun equipo de márketing de Estados Unidos e Reino Unido.
A produción tamén é local. Traballar con imprentas da zona facilita os prazos e a revisión de probas, e permite explorar acabados como troquelado, stamping ou barniz UV cando a peza o pide. Fixémolo cunha imprenta galega para os seus postais corporativos.
Se exportas, o packaging ten que funcionar en varios idiomas sen que o deseño se rompa. Plantexoo así desde o principio, para non ter que refacelo despois.
Se o teu produto se vende en Galicia e tamén se exporta, o envase debe levar os textos nos idiomas que correspondan, coa información obrigatoria de cada mercado, e iso condiciona o deseño desde o principio. Plantéxoo desde o inicio para que o espazo e a xerarquía non se rompan ao engadir idiomas.
Casos relacionados
Preguntas frecuentes
Deseñas só o envase ou tamén a marca?
As dúas cousas, segundo o que necesites. Se a marca xa existe, deseño o packaging dentro do seu sistema; se non, podemos traballar primeiro a identidade e despois o envase.
Podo ver como quedará antes de imprimir?
Si. Preparo renders do packaging para validar o deseño antes de producir e, cando convén, traballo con probas de imprenta.
Coordínaste coa imprenta?
Si. Preparo os arquivos segundo as súas especificacións e reviso as probas con eles. Se xa tes imprenta, traballo coa túa.
Deseñas coleccións de produtos?
Si. Unha colección necesita un sistema que faga que cada produto sexa distinto e, á vez, que todos pertenzan á mesma familia.
Tamén deseñas outras pezas gráficas?
Si: cartelaría, folletos, papelaría, rotulación e pezas de comunicación. Sempre dentro da liña da túa marca.
Que preciso saber para empezar?
Que vendes, a quen, en que canles e con que orzamento de produción. Con iso decídese o formato, os materiais e o nivel de acabado.
Deseñas o envase se xa teño fabricante?
Si. Pido as súas medidas, troqueis e requisitos técnicos, e deseño dentro do que ese fabricante pode producir.
Podo cambiar só a etiqueta?
Si. Ás veces é a forma máis eficaz de mellorar sen refacer todo o envase. Valorámolo segundo o teu produto e o teu orzamento.
Servizos relacionados
- Axencia creativa en Vigo: branding, vídeo e deseñoDar forma e voz á estratexia, cunha mirada humana tamén en B2B.Ver o servizo →
- Branding en Vigo: identidade de marca con estratexiaValores, voz, identidade e pezas que din o mesmo en todas partes.Ver o servizo →
- Deseño de presentacións corporativas e catálogosDocumentos que explican a túa empresa con claridade e se ven á altura do que vendes.Ver o servizo →
- Estratexia de márketing dixital para empresas B2BUn plan con obxectivos claros antes de elixir canles, ferramentas ou orzamento.Ver o servizo →
Para afondar
Que é unha estratexia de marca e cando a necesita a túa empresa →
Cóntame que necesitas.
Dime cal é o teu obxectivo e vemos se ten sentido traballar xuntos.